حاتم محمد علی احمد باماتراف

چیئرمین

محترم حاتم محمد علی احمد باماتراف

ایک تجربہ کار ٹیلی کمیونیکیشن ایگزیکٹو ہیں جنہیں مشرقِ وسطیٰ اور ایشیا کے خطے میں انتظامی اور قائدانہ عہدوں پر 30 سال سے زائد کا وسیع تجربہ حاصل ہے۔ اس وقت آپ پاکستان ٹیلی کمیونیکیشن کمپنی لمیٹڈ (PTCL) اور یوفون کے صدر اور گروپ چیف ایگزیکٹو آفیسر (Group CEO) کے طور پر خدمات انجام دے رہے ہیں۔

جناب حاتم نے اپنے پیشہ ورانہ کیریئر کا آغاز 1995 میں اتصالات گروپ کے ساتھ موبائل ٹیکنالوجی انجینئر کے طور پر کیا، اور اپنی صلاحیتوں کے بل بوتے پر تیزی سے ترقی کرتے ہوئے اعلیٰ عہدوں تک پہنچے۔ 2007 میں آپ نے ٹیلی کام کمپنی "du” میں شمولیت اختیار کی، جہاں آپ نے نیٹ ورک ڈیولپمنٹ کی قیادت کی اور بعد ازاں انٹرپرائز بزنس یونٹ کے سربراہ کے طور پر خدمات انجام دیں۔ اس سے قبل آپ مملکت سعودی عرب میں موبایلی کے ساتھ بھی وابستہ رہے، جہاں آپ کمپنی کے آغاز کے وقت کی ٹیم کا حصہ تھے۔

آپ کا آخری عہدہ اتصالات گروپ میں چیف ٹیکنالوجی آفیسر کا تھا، جس پر آپ نے 8 سال سے زائد عرصہ خدمات انجام دیں، اُس کے بعد آپ نے پاکستان میں پی ٹی سی ایل گروپ کی سربراہی سنبھالی۔

جناب حاتم باماتراف نے اتصالات گروپ کی کئی ذیلی کمپنیوں کے بورڈ آف ڈائریکٹرز میں بھی خدمات انجام دی ہیں۔ اس وقت آپ e& Money، یونیورسل سروس فنڈ کے بورڈ ممبر اور یو مائیکروفنانس بینک کے چیئرمین بورڈ آف ڈائریکٹرز کی حیثیت سے فرائض انجام دے رہے ہیں۔

آپ نے اتصالات کالج آف انجینئرنگ سے گریجویشن کیا اور الیکٹریکل و الیکٹرانک انجینئرنگ میں بیچلر ڈگری حاصل کی ہے۔ علاوہ ازیں، آپ نے INSEAD بزنس اسکول سے ایگزیکٹو ایم بی اے کی ڈگری بھی حاصل کی ہے۔

مسٹرندیم خان

نان ایگزیکٹو ڈائریکٹر

محمد ندیم خان انسٹیٹیوٹ آف چارٹرڈ اکاؤنٹنٹس آف پاکستان (ICAP) کے فیلو ممبر اور انسٹیٹیوٹ آف چارٹرڈ اکاؤنٹنٹس آف انگلینڈ اینڈ ویلز (ICAEW) کے ایسوسی ایٹ ممبر ہیں۔ آپ ICAP کے اکاؤنٹنگ اسٹینڈرڈز بورڈ کے رکن بھی ہیں۔

ندیم خان نے اپنے کیریئر کا آغاز 1995 میں اے ایف فرگوسن اینڈ کو چارٹرڈ اکاؤنٹنٹس سے کیا۔ انہیں 30 سال سے زائد کا وسیع تجربہ حاصل ہے، اور وہ کئی ممتاز اداروں جیسے ملی کوم کمبوڈیا انٹرنیشنل، ملی کوم لکسمبرگ اور اتصالات کے ساتھ خدمات انجام دے چکے ہیں۔ اس وقت آپ پی ٹی سی ایل گروپ کے گروپ چیف فنانشل آفیسر (Group CFO) کے طور پر خدمات سرانجام دے رہے ہیں۔

جناب خان یو مائیکروفنانس بینک لمیٹڈ (یو بینک) کے بورڈ پر بطور نان ایگزیکٹو ڈائریکٹر خدمات انجام دے رہے ہیں۔

محمد عقیل عباس ملک

نان ایگزیکٹو ڈائریکٹر

عقیل ملک کو ایشیا، یورپ اور مشرق وسطیٰ میں اسٹریٹجک پلاننگ اور مینجمنٹ کے شعبوں میں دو دہائیوں سے زائد کا بین الاقوامی تجربہ حاصل ہے۔ آپ نے فرانس کے معروف ادارے INSEAD سے ماسٹرز ان بزنس ایڈمنسٹریشن (MBA)  اور پاکستان کے GIKI سے کمپیوٹر سسٹمز انجینئرنگ میں بیچلر آف سائنس کی ڈگری حاصل کی ہے۔

جناب ملک نے اپنے پیشہ ورانہ کیریئر کا آغاز 1999 میں ABN AMRO کے گلوبل آئی ٹی سسٹمز سے کیا۔ اس وقت آپ متحدہ عرب امارات میں e& گروپ میں ہیڈ آف پورٹ فولیو مینجمنٹ/انٹرنیشنل کے طور پر خدمات انجام دے رہے ہیں۔

آپ نے اپنے کیریئر کے دوران ٹیلی کمیونی کیشن، بینکاری، اور کنسلٹنگ کے شعبوں میں سینئر قیادت کے عہدوں پر کام کیا ہے۔ آپ کی مہارت میں اسٹریٹجی ڈویلپمنٹ، سرمایہ کاری، مرجرز اینڈ ایکوزیشنز (M&A)، فنانس، سیلز اینڈ مارکیٹنگ، اور انفارمیشن ٹیکنالوجی (IT) جیسے اہم بزنس فنکشنز شامل ہیں۔

کارپوریٹ ذمہ داریوں کے ساتھ ساتھ، جناب عقیل ملک یو مائیکروفنانس بینک لمیٹڈ کے بورڈ میں بطور نان ایگزیکٹو ڈائریکٹر خدمات سرانجام دے رہے ہیں۔

سید عاطف رضا

ڈائریکٹر

سید عاطف رضا ایک تجربہ کار ٹیلی کام ایگزیکٹو ہیں جنہیں 25 سال سے زائد کا پیشہ ورانہ تجربہ حاصل ہے، جن میں سے 20 سال ٹیلی کمیونی کیشن کے شعبے میں B2C/B2B مارکیٹس، پرائسنگ، ڈیجیٹل ٹرانسفارمیشن، مرجرز اینڈ ایکوزیشنز، اور پرفارمنس آپٹیمائزیشن جیسے اہم شعبوں میں خدمات انجام دیتے گزرے ہیں۔ آپ نے لاہور یونیورسٹی آف مینجمنٹ سائنسز (LUMS) سے ایم بی اے اور یونیورسٹی آف انجینئرنگ اینڈ ٹیکنالوجی (UET) سے الیکٹرانکس/ٹیلی کام انجینئرنگ کی ڈگری حاصل کی ہے۔

اس وقت آپ پی ٹی سی ایل گروپ میں بطور چیف مارکیٹنگ آفیسر (CMO) اور گروپ چیف کمرشل آفیسر (GCCO) فرائض انجام دے رہے ہیں، جہاں آپ نے یوفون کو 2023-2024 کے دوران موبائل انڈسٹری کی سب سے زیادہ ترقی دلائی، فائبر ریونیو کو دو گنا کیا، اور گروپ کے ڈیجیٹل ایکو سسٹم کو نئے سرے سے فعال کیا، جس میں ایک متحد سیلف کیئر ایپ کے صارفین میں دو گنا اضافہ شامل ہے۔

اس سے قبل آپ زونگ میں ایگزیکٹو ڈائریکٹر کے طور پر خدمات انجام دے چکے ہیں، جہاں آپ نے صارفین اور مارکیٹ شیئر میں اضافے کے ذریعے نمایاں ریونیو گروتھ حاصل کی اور ڈیجیٹل چینلز کو جدید بنایا۔ جاز (VEON) میں آپ نے جاز-وارِد مرجر اور 4G اسپیکٹرم کے حصول جیسے اہم منصوبوں کی قیادت کی اور 15 سے زائد ممالک میں گروپ پرفارمنس ٹرانسفارمیشن ٹیم کا حصہ رہے۔

سید عاطف رضا کو اسٹریٹجک مرجرز، ڈیجیٹل انوویشن، اور مارکیٹ لیڈرشپ میں مہارت حاصل ہے اور وہ پاکستان، بنگلہ دیش، اور McKinsey اور Bain جیسے بین الاقوامی اداروں کے ساتھ کامیاب شراکت داریوں کا ثابت شدہ ٹریک ریکارڈ رکھتے ہیں۔

آپ یو مائیکروفنانس بینک لمیٹڈ کے بورڈ پر بطور نان ایگزیکٹو ڈائریکٹر خدمات سرانجام دے رہے ہیں۔

ملیکہ کارا تنریکولو

ڈائریکٹر

محترمہ ملیکہ کارا تانری کولو ایک تجربہ کار فِن ٹیک لیڈر ہیں جنہیں ڈیجیٹل مالیاتی خدمات کے شعبے میں 20 سال سے زائد کا تجربہ حاصل ہے۔ آپ نے مڈل ایسٹ ٹیکنیکل یونیورسٹی سے بزنس ایڈمنسٹریشن میں بیچلر ڈگری حاصل کی ہے، اور IMD بزنس اسکول اور ہارورڈ بزنس اسکول سے ایگزیکٹو پروگرامز بھی مکمل کیے ہیں۔

اس وقت آپ دبئی میں  (سابقہ اتصالات) کے فِن ٹیک بازو e& money کی سی ای او کے طور پر خدمات انجام دے رہی ہیں، جہاں آپ پلیٹ فارم کو ایک جدید فِن ٹیک ایپ میں تبدیل کر رہی ہیں، جو پری پیڈ کارڈز اور فوری رقوم کی منتقلی جیسی خدمات فراہم کر رہا ہے۔

اس سے قبل آپ ترکی میں Turkcell کے فِن ٹیک ادارے Paycell کی بانی سی ای او کے طور پر فرائض انجام دے چکی ہیں، جہاں آپ نے ڈیجیٹل والٹس، مائیکرو فنانسنگ، اور "اب خریدیں، بعد میں ادا کریں” (BNPL) جیسے متعدد مالیاتی پروڈکٹس متعارف کروا کر کاروبار کو 1 کروڑ صارفین تک پہنچایا، جس کے نتیجے میں ایک منافع بخش قرض فراہم کرنے والا ادارہ قائم ہوا۔

محترمہ ملیکہ نے Garanti Bank میں ہیڈ آف پروڈکٹ اور PwC میں سینئر ایسوسی ایٹ کے طور پر بھی کام کیا ہے، جہاں وہ بینکنگ اور ادائیگی کے اداروں کو مشورے فراہم کرتی رہیں۔ ان کی مہارت فِن ٹیک انوویشن، ڈیجیٹل ٹرانسفارمیشن اور ایکو سسٹم ڈیولپمنٹ میں ہے۔

محترمہ ملیکہ کارا تانری کولو یو مائیکروفنانس بینک لمیٹڈ کے بورڈ میں بطور نان ایگزیکٹو ڈائریکٹر خدمات سرانجام دے رہی ہیں۔

صائمہ احد

نان ایگزیکٹو ڈائریکٹر

نان ایگزیکٹو ڈائریکٹر

صائمہ احد ایک تجربہ کار سول سرونٹ ہیں جنہیں عوامی شعبے کی گورننس، قانونی اُمور، ترقیاتی معاملات اور پبلک ایڈمنسٹریشن میں 20 سال سے زائد کا وسیع تجربہ حاصل ہے۔ آپ نے امریکہ سے انٹرنیشنل لاء میں ایل ایل ایم  (LL.M.)  کی ڈگری اور جاپان سے ڈویلپمنٹ اکنامکس میں ڈپلومہ حاصل کیا ہے۔

اس وقت آپ وزارتِ انفارمیشن ٹیکنالوجی و ٹیلی کام میں جوائنٹ سیکریٹری (ڈویلپمنٹ) کے طور پر خدمات انجام دے رہی ہیں، جہاں آپ ٹیکنالوجی اور ٹیلی کام کے شعبے میں اہم ترقیاتی اقدامات کی نگرانی کرتی ہیں۔

ان کا پیشہ ورانہ تجربہ عوامی شعبے میں مؤثر گورننس اور مثبت تبدیلی کے لیے ان کے پختہ عزم کی عکاسی کرتا ہے ۔ محترمہ صائمہ احد یو مائیکروفنانس بینک لمیٹڈ کے بورڈ پر بطور نان ایگزیکٹو ڈائریکٹر خدمات سرانجام دے رہی ہیں۔

شاہد حسین قاضی

آزاد ڈائریکٹر (Independent Director)

شاہد حسین قاضی ایک سینئر ایگزیکٹو ہیں جنہیں بینکاری، فِن ٹیک، اور ڈیجیٹل ٹرانسفارمیشن کے شعبوں میں 30 سال سے زائد کا تجربہ حاصل ہے۔ آپ نے آئی بی اے کراچی سے ایم بی اے کیا ہے اور حبیب میٹروپولیٹن بینک، بینک الفلاح، ایمریٹس بینک، اور فنکا مائیکروفنانس بینک میں سینئر عہدوں پر خدمات انجام دی ہیں۔ فنکا بینک میں آپ نے پاکستان کا پہلا موبائل نیٹ ورک سے آزاد موبائل والیٹ سسٹم "سم سم (SimSim)” لانچ کیا۔

اس وقت آپ روزی ڈاٹ پی کے (Rozee.pk) کے چیف ایگزیکٹو آفیسر (CEO) کے طور پر خدمات سرانجام دے رہے ہیں، جو پاکستان کا سب سے بڑا کیریئر پلیٹ فارم ہے۔ آپ نے یہاں RozeeGPT جیسے جدید AI پر مبنی ریکروٹمنٹ سلوشن اور Rizq by Rozee جیسے مالی بہبود کے ایپ کے ذریعے جدت کو فروغ دیا ہے۔

آپ یو مائیکروفنانس بینک لمیٹڈ کے بورڈ میں حکمتِ عملی، گورننس، اور ڈیجیٹل انوویشن کے شعبوں میں گہری مہارت کے ساتھ اپنی خدمات پیش کر رہے ہیں۔

ملیحہ ہمایوں بنگش

آزاد ڈائریکٹر (Independent Director)

ملیحہ بنگش کو ایشیا پیسیفک، جنوبی ایشیا اور ترکی میں بینکاری اور مالیاتی خدمات کے شعبے میں 26 سال سے زائد کا وسیع تجربہ حاصل ہے۔ گزشتہ سات سالوں سے آپ آئی ایف سی/ورلڈ بینک گروپ کے ساتھ مختلف حیثیتوں میں منسلک ہیں، جہاں آپ سرمایہ کاری کے ماحول، ڈیجیٹل بینکاری، ڈیجیٹل تبدیلی، جینڈر بینکنگ اور ماحولیاتی (گرین) فنانس جیسے اہم شعبوں پر کام کر رہی ہیں۔

آپ پاکستان کے کمپیٹیشن کمیشن میں بطور رکن/کمشنر بھی خدمات انجام دے چکی ہیں اور واشنگٹن میں SME Finance Forum (جو کہ IFC کے تحت G20 کا ایک اقدام ہے) کی سفیر کے طور پر بھی ذمہ داریاں نبھا چکی ہیں۔ آپ نے لاہور یونیورسٹی آف مینجمنٹ سائنسز (LUMS) سے مارکیٹنگ اور فنانس میں ایم بی اے جبکہ یونیورسٹی آف شکاگو، بوتھ اسکول آف بزنس سے انویسٹمنٹ اور فنانس میں ایم بی اے کی ڈگری حاصل کی ہے۔

محترمہ بنگش کو کارپوریٹ اور انویسٹمنٹ بینکنگ، پرائیویٹ ایکویٹی/وی سی، مرجرز اینڈ ایکوزیشنز،  SME بینکنگ، ڈیویلپمنٹ فنانس، ڈیجیٹل بینکنگ اور فِن ٹیک جیسے شعبوں میں 19 سالہ اعلیٰ قیادت اور C-Suite سطح کا تجربہ حاصل ہے۔ اس وقت وہ مشرقی ایشیا میں ایک علاقائی فِن ٹیک انوویشن حب اور ایکو سسٹم کے قیام پر کام کر رہی ہیں۔

آپ یو مائیکروفنانس بینک لمیٹڈ کے بورڈ میں بطور آزاد ڈائریکٹر خدمات سرانجام دے رہی ہیں۔