سولر فنانسنگ

سستی بجلی، آسان زندگی!

یو بینک کسانوں، مائیکرو انٹرپرینیورز اور گھرانوں کو اپنی بجلی اور توانائی کی ضروریات پوری کرنے کے لیے سولر فنانسنگ کی آسان سہولت فراہم کرتا ہے۔فنانسنگ کی یہ سہولت یو بینک کے صارفین کوآسان اقساط پر سولر سسٹم حاصل کرنے کے قابل بناتی ہے جو ماحول دوست ہے۔ یہ سہولت بجلی کے بھاری بلوں کو کم کرنے کا بہترین موقع دیتی ہے۔

نمایاں خصوصیات

قرض کی سہولت: پچاس ہزار روپے سے تیس لاکھ روپے تک

قرض کی مدت: 10 سال

ماہانہ یا ششماہی اقساط میں ادائیگی

کم سے کم ڈاؤن پے منٹ

پروسیسنگ کاوقت انتہائی کم

سولر کے تصدیق شدہ آلات

مطلوبہ دستاویزات

اصل شناختی کارڈ
پاسپورٹ سائز تصویر
کاروبار یا ملازمت کا ثبوت
زمین / مکان کی ملکیت کے دستاویزات کا ثبوت

شرائط و ضوابط لاگو ہیں۔

اکثر پوچھے گئے سوالات

اس قرض کے لیے کون درخواست دے سکتا ہے؟

کوئی بھی پاکستانی شہری جس کے پاس کارآمد قومی شناختی کارڈ یا اوورسیزپاکستانی کا کا رڈ ہے۔

اہلیت کا معیار کیا ہے؟

کوئی بھی تنخواہ دار فرد، کاروباری شخص یا کسان

کیا یہ قرض حاصل کرنے کے لیے عمر کی کوئی حد مقرر کی گئی ہے؟

قرض کی درخواست اور قرضہ کی منظوری کے وقت عمر کی حد 18 سے 68 سال ہے

اس قرض کے لیے درخواست دینے کا طریقہ کار کیا ہے؟

کسٹمر کو درج ذیل مرحلے پورے کرنے کی ضرورت ہوگی
یوبینک کی قریبی برانچ پر تشریف لے جائیں
مطلوبہ شناختی دستاویزات فراہم کریں
پیشگی چارجز جمع کروائیں
قرض کے درخواست فارم پر دستخط کریں اور جمع کرائیں

اس قرض کی درخواست دینے کے لیے کن دستاویزات کی ضرورت ہے؟

درج ذیل دستاویزات درکار ہیں
۔ سول پروپرائٹر۔ کاروبار کا ثبوت جیسا کہ بزنس کارڈ، کیش میمو، لیٹر ہیڈ یا یوٹیلیٹی بل، بینک اسٹیٹمنٹ
۔بزنس کا ثبوت جیسا کہ بزنس کارڈ، کیش میمو، لیٹر ہیڈ یا یوٹیلیٹی بل، بینک اسٹیٹمنٹ
۔ تنخواہ دار افراد۔۔آمدنی اور ملازمت کا ثبوت
۔کسان۔ زرعی پاس بک

پروسیسنگ چارجز کس قسم کے ہیں؟

درخواست کی فیس
۔ پروسیسنگ فیس
۔ کولیٹرل ویلیویشن چارجز
۔ قانونی رائے کی فیس (جہاں قابل اطلاق ہو)

اس قرض کے لیے کس قسم کی ضمانت درکار ہے؟

زراعت پر رہن، تجارتی املاک، سونا یا بچت پر اختیار، TDR وغیرہ۔

میں یہ قرض کس مقصد کے لیے حاصل کر سکتا ہوں؟

گھر، زراعت اور کاروبار

کیا یہ قرض انسٹالیشن چارجز کو بھی پورا کرتا ہے؟

جی ہاں

سولر فنانسنگ

آپ کو کتنی فنانسنگ کی ضرورت ہے؟

Rs 50,000 Rs 3,000,000

06 months 120 months

آپ حاصل کر رہے ہیں

Rs. 0

استعمال کی شرائط

Months

کل منافع

Rs. 0

قسط کی رقم

Rs. 0

کامیابی کی کہانیاں

یاسر شیخ کے خوابوں کو یو بینک نے بنایا حقیقی مثال

شکارپور، سندھ کے شیخ محلہ کے رہائشی یاسر شیخ کا ہمیشہ سے اپنا کاروبار کرنے کا خواب تھا۔ ابتدا میں وہ ایک چھوٹی سی ریڑھی پر اسنیکس بیچا کرتے تھے، لیکن محنت اور عزم سے انہوں نے آہستہ آہستہ اپنی گروسری کی دکان کھول لی۔ جیسے جیسے ان کا خاندان بڑا ہوتا گیا، یاسر کو اپنے بچوں کو معیاری تعلیم دلوانے کی خواہش بھی بڑھنے لگی۔ انہوں نے اپنے بچوں کو بہترین پرائیویٹ اسکول میں داخل کروایا، لیکن جلد ہی اسکول فیس اور روزمرہ کے اخراجات کا بوجھ زیادہ ہونے لگا۔ اس مشکل وقت میں یاسر نے یو بینک سے رابطہ کیا، جہاں بینک کے عملے نے انہیں "بڑھتا کاروبار پلس" لون کی سہولت کے بارے میں بتایا۔ یاسر نے جلد ہی یہ قرض حاصل کیا اور اس سے اپنے کاروبار کو وسعت دی۔ ایک سال کے اندر اندر، انہوں نے نہ صرف اپنا قرض چکا دیا بلکہ اپنی دکان کو مزید بہتر بنا لیا۔ آج ان کے اسٹور میں مختلف اقسام کی پراڈکٹس دستیاب ہیں، ان کی آمدنی میں بھی اضافہ ہوا ہے، اور ان کے بچے اس معیاری تعلیم سے مستفید ہو رہے ہیں جس کا یاسر نے ہمیشہ خواب دیکھا تھا۔ یاسر شیخ کی کہانی اس بات کا ثبوت ہے کہ یو بینک کی مالی مدد کس طرح چھوٹے کاروباروں کو بڑھاوا دے کر لوگوں کی زندگیاں بدل رہی ہے

سیلز مین سے کامیاب کاروباری شخصیت تک

محمد اقبال قادری، جو پنجاب، پاکستان کے علاقے ساہیوال کے اڈہ شبیل سے تعلق رکھتے ہیں، ایک پُرعزم کاروباری شخصیت ہیں۔ وہ پہلے ایک چھوٹی فارمیسی میں سیلز مین کے طور پر کام کرتے تھے، لیکن اپنی محنت اور لگن کی بدولت، انہوں نے ساہیوال میں اپنی دکان کھولنے کا فیصلہ کیا۔ ساہیوال، جہاں سے وہ تعلق رکھتے ہیں، ایک زرعی علاقہ ہے اور ان کا خاندان روایتی طور پر کسان تھا۔ 2006 اور 2007 کے درمیان، اقبال نے سیلز مین کے طور پر کام کیا، لیکن جلد ہی انہوں نے اپنا ریٹیل اسٹور کھولنے کا فیصلہ کیا۔ اپنی دکان کو بڑھانے اور گاہکوں کی تعداد میں اضافہ کرنے کے لیے، انہیں مزید سرمائے کی ضرورت تھی۔ دوستوں کی مشورے سے، انہوں نے یو بینک اسلامی بینکنگ کے "اپنا کاروبار پریمیم مرابحہ" فنانسنگ سہولت کا دو مرتبہ استعمال کیا تاکہ اپنے کاروبار میں سرمایہ کاری کر سکیں۔ آج، اقبال اپنی دکان کے مالک ہیں، انہوں نے اپنی دکان میں مزید سامان اور اقسام کا اضافہ کیا ہے، انہیں اب کرایہ ادا کرنے کی ضرورت نہیں، ان کے بچے بہترین اسکولز میں تعلیم حاصل کر رہے ہیں، اور وہ ایک بہتر زندگی گزار رہے ہیں۔

یو بینک سولر فنانسنگ سے روشن ہوا مستقبل

رحیم یار خان کے قصبے راجن پور کلاں میں، جہاں زراعت لوگوں کی روزی روٹی کا بنیادی ذریعہ ہے، جام شبیر احمد کو کافی مشکلات کا سامنا تھا۔ اپنی زمین نہ ہونے کی وجہ سے وہ ایک زمیندار کے کھیتوں پر کام کرتے تھے، اور زندگی کی ضروریات پوری کرنا ایک چیلنج تھا۔ مگر ہمت نہ ہارنے والے شبیر نے اپنی محنت کے بل بوتے پر آٹا اور دالوں کی چکی قائم کی، یہاں تک کہ سرسوں کے تیل کا کاروبار بھی شروع کیا۔ تاہم، بجلی کی لوڈ شیڈنگ کی مستقل پریشانیوں نے ان کی محنت کو متاثر کیا اور کاروباری اخراجات بڑھتے گئے۔ اس دوران ایک دوست کے مشورے پر شبیر نے یو بینک سے رابطہ کیا، جس نے ان کی زندگی کا رخ بدل دیا۔ انہوں نے یو بینک کی سولر فنانسنگ حاصل کی، اور چند دنوں میں ان کی چکی پر سولر پینلز نصب ہو گئے۔ اس اقدام نے نہ صرف ان کی چکی کو بغیر کسی رکاوٹ کے چلنے دیا بلکہ ان کے گھر کو بھی بجلی کی فراہمی ممکن بنا دی، جس سے ان کی پیداوار اور آمدنی میں نمایاں اضافہ ہوا۔ بجلی کے بلوں اور لوڈ شیڈنگ کی فکر سے آزاد، اب شبیر کا پورا دھیان اپنے کاروبار کو مزید وسعت دینے اور مستقبل کے منصوبوں پر ہے۔ یو بینک کی جانب سے مالی معاونت، شبیر کی زندگی میں مثبت تبدیلی لائی، اور ان کی کہانی اس بات کی بہترین مثال ہے کہ کس طرح مالی سہولتیں دیہی اور زرعی علاقوں میں لوگوں کی زندگیوں کو بہتر کرکتی ہیں۔

سن رہا ہے۔۔۔

اب بولیں۔۔

سن رہا ہے۔۔۔

اب بولیں۔۔